नेपाल औषधि लिमिटेडको महाप्रबन्धकमा आवेदन खुल्याे

१ फागुन, काठमाडौं । नेपाल औषधि लिमिडेटको रिक्त महाप्रबन्धक पदमा आवेदन आह्वान गरिएको छ । उद्योग वाणिज्य तथा आपूर्ति मन्त्रालयले सोमबार एक सूचना जारी गर्दै योग्यता पुगेका इच्छुक व्यक्तिले २१ दिनभित्र आवेदन दिन सक्ने जनाएको छ । आवेदन दिन उमेर ३५ वर्ष पुगेको र ६५ वर्ष ननाघेको हुनुपर्ने उल्लेख छ ।

आवेदकका लागि योग्यता पनि उल्लेख गरिएको छ । महाप्रबन्धक हुन फार्मेसी वा प्रशासन विषय, व्यवस्थापन, अर्थशास्त्र, इन्जिनियरिङ वा कानूनमा मान्यता प्राप्त विश्वविद्यालयबाट कम्तीमा स्नातकोत्तर तह उत्तीर्ण गरेको र कुनै संस्था वा निकायको व्यवस्थापकीय जिम्मेवारीमा कम्तीमा ५ वर्षको अनुभव भएको हुनुपर्ने बताइएको छ ।

आवेदन शुल्क पाँच हजार रुपैयाँ तोकेको छ भने सो रकम एभरेष्ट बैंकको शाखामा गएर बुझाउन भनिएको छ ।