ट्राफिक नियमविरुद्ध सडकमा बस तेर्स्याएर यातायात मजदुर आन्दोलनमा

१ फागुन, काठमाडौं । ट्राफिक नियम यातायात व्यवसायीको हितमा नरहेको भन्दै यातायात मजदुरले बालाजु क्षेत्रमा सडकमा बस तेर्स्याएर आन्दोनलमा उत्रिएका छन् ।

उनीहरुले नियमले आफूहरुलाई हैरानी बनाएको भन्दै विरोधमा बालाजु चोक र माछापोखरी जाने सडकमा दर्जनौं बस तेस्र्याएर सडक अवरुद्ध गरेका छन् । सो क्षेत्रमा सवारी आवगमन ठप्प भएको छ । सयाैं संख्यामा मजदुरहरू जम्मा भएका छन् ।

अवरुद्ध सडक खुलाउने प्रयास भइरहेको प्रहरीले जनाएको छ । ट्राफिकले लगाएको नियमले यातायात व्यवसायी र मजदुरलाई अन्याय परेको र त्यसलाई संशोधन नगरिएसम्म विरोध चर्काउने आन्दोलनकारीले बताएका छन् ।