राष्ट्रपति भण्डारीसँग भारतीय विदेश सचिव क्वात्राको शिष्टाचार भेट

१ फागुन, काठमाडौं । राष्ट्रपति विद्यादेवी भण्डारीसँग भारतीय विदेश सचिव विनयमोहन क्वात्राले आज शिष्टाचार भेटवार्ता गरेका छन् ।

अपरान्ह राष्ट्रपति भवन शीतल निवास पुगेर क्वात्राले राष्ट्रपति भण्डारीसँग शिष्टाचार भेटवार्ता गरेका हुन् । भेटवार्तामा दुई देशबीचको सम्बन्ध थप प्रगाढ तुल्याउने र सन्तुलनको सिद्धान्तमा व्यापारिक सम्झौताहरु गर्दै जानेबारे छलफल भएको थियो ।

यसअघि उनले परराष्ट्र मन्त्री विमला राई पौडेलसँग भेटवार्तामा नेपालको विकास र कनेक्टिविटीको विषयमा छलफल गरेका थिए ।

दुई दिने नेपाल भ्रमणमा रहेका उनले प्रधानमन्त्री पुष्पकमल दाहाल प्रचण्ड, राजनीतिक दलका शीर्ष नेतासँग भेट्ने कार्यक्रम छ । उनी मंगलबार भारत फर्कने कार्यक्रम छ ।