राप्रपा अध्यक्ष लिङदेनसँग भारतीय विदेशसचिव क्वात्राको भेट

२ फागुन, काठमाडौंं । दुई दिने नेपाल भ्रमणमा रहेका भारतीय विदेश सचिव विनयमोहन क्वात्राले राप्रपाका अध्यक्ष समेत रहेका उपप्रधान तथा उर्जा सिंचाईमन्त्री राजेन्द्र लिङदेनसँग मन्त्रालयमा आज भेट गरेका छन् ।

उक्त भेटका क्रममा ऊर्जा क्षेत्रको विकास लगायत द्विपक्षीय हितका विविध विषयमा विचार आदानप्रदान भएको बताइएको छ ।

नेपाल–भारतबीचको परराष्ट्र सचिवस्तरीय बैठकमा सहभागी हुन आएका बताएपनि सचिव क्वात्राले नेपालका संसदमा रहेका सबै राजनीतिक दलका नेतृत्वसँग भेट गरेका छन् । यसअघि क्वात्राले राष्ट्रपति, प्रधानमन्त्री, परराष्ट्रमन्त्री तथा एमाले, एकीकृत समाजवादी लगायत दलका अध्यक्षहरुसँग भेटेका थिए ।

सरकारमा तिक्तता पैदा भएसँगै उनी नेपाल आएका हुन् । उनी आजै स्वदेश फर्कँदैछन् ।