अनेरास्ववियुको महाधिवेशन सुरू, ड्रोन उडाएर उद्घाटन

२ फागुन, काठमाडौं । एमालेनिकट अनेरास्वियुको २३औं राष्ट्रिय महाधिवेशन राजधानीमा सुरू भएको छ । मलादीस्थित प्रज्ञा भवनमा एमाले अध्यक्ष केपी शर्मा ओलीले ड्रोन उडाएर अनेरास्ववियुको महाधिवेशनको उद्घाटन गरेका छन् ।

महाअधिवेशनको उद्घाटनसत्रलाई अहिले अध्यक्ष ओलीले सम्बोधन गरेका छन् । सम्बोधनका क्रममा उनले नेतृत्व चयनमा समझदारी कायम गर्न आग्रह गरेका छन् ।

महाधिवेशनले नेतृत्वसहित १९९ सदस्यीय केन्द्रीय समिति चयन गर्नेछ । सहमति नजुटे मतदानबाट नेतृत्व चयन गर्ने तयारी अनेरास्ववियूले गरेको छ । मतदानको आवस्थमा मतदानका लागि विद्युतीय मेसिन प्रयोग गरिने भएको छ । आगामी नेतृत्वका लागि आरसी लामिछाने, मोती विश्वकर्मा र समिक बडालले दाबी गरिरहेका छन् ।