द्वन्द्वकालमा १३ वर्षकी उमेरमा जेल हाल्नेविरुद्ध अदालत जाने तयारीमा राधिका

८ फागुन, सुर्खेत । भेरी नगरपालिका ६ की राधिका चन्दलाई समय समयमा अहिले झस्किने गर्छिन् । सुतिरहेको अवस्थामा एक्कासि ब्यूँझिने, कराउने गर्दै आएकी छिन् । उनी निन्द्रमा समेत बर्बराउने गरेको उनका श्रीमान युद्धवीर सिंहले बताए ।

चन्दलाई कुनै रोग लागेर नभई द्वन्द्वकालमा पाएका यातनाका कारण अहिले पनि बसिनसक्नु छ । तत्कालीन राज्य पक्षद्वारा २०५७ मा सुर्खेतको घुमखरे गाविस-९ भेराबारीबाट उनलाई पक्राउ गरी ८ वर्ष बढी लामो समय हिरासत र जेलमा राखेपछि सो घटनाले गर्दा राधिकालाई अहिले पनि समय समयमा झस्काउने गर्दछ ।

१३ वर्ष बालिकालाई माओवादीको आरोपमा पक्राउ गरी ८ वर्षसम्म जेल जीवन बिताउने बाध्य भएपनि बाल मस्तिष्क परेको त्यो असरले अहिले समस्या हुँदै आएको छ ।

अदालतको आदेशपछि राधिका खुला आकाशमा आएर अहिले दैनिक रुपमा जीवनयापन गरिरहेको भएपनि द्वन्द्वकालमा पाएको दु:ख, यातनाले गर्दा मानसिक रुपमा विक्षिप्त हुँदै आएको छ । यातना र कठाेर जेलकाे बसाइका कारण उनकाे मानसिक सन्तुलनमा असर परेकाे बताइन्छ ।  ८ वर्ष २ महिना ५ दिनसम्म बन्दी भएर कारागार र हिरासतमा पाएको यातनासँगै पीडाले अहिले पनि झस्काइरहेको उनको भनाई छ ।

आठ वर्ष सम्मा बालिका भएको समयमा पनि राज्यले दिएको यातनाविरुद्ध राधिका अब अदालत जाने तयारीमा रहेकाे बताएकी छिन् । जाहेरीवालाको माग दाबीलाई अदालतले खारेजी गरिसकेको आधिकारिक प्रमाण रहेको भन्दै राधिकाले बिनाकसुर आफूलाई ८ बर्ष जेल जीवन बिताउन बाध्य पार्ने राज्यविरुद्ध क्षतिपूर्तिका लागि अदालतमा मुद्दा दायर गर्ने उनको भनाइ छ ।