विदेश जान पाउनुपर्ने मागसहितकाे सन्दीपको रिट न्यायाधीश खतिवडाको इजलासमा

१२ फागुन, काठमाडौं । क्रिकेट प्रतियोगितामा सहभागी हुन यूएई जान पाउनुपर्ने मागसहित सन्दीप लामिछाने दिएको रिट निवेदन सर्वाेच्च अदालतमा न्यायाधीश ईश्वरप्रसाद खतिवडाको इजलासमा पेसी तोकिएको छ ।

उच्च अदालत पाटनले सन्दीपलाई विदेश जान गएको पुष २७ मा प्रतिबन्धसहितको आदेश जारी गरेकामा उक्त प्रतिबन्ध फुकुवाको मागदाबीसहित उनले बिहीबार रिट निवेदन दायर गराएका थिए ।

नाबालिका बलात्कारका अभियुक्त उनलाई जिल्ला अदालत काठमाडौंले थुनामा पठाएकामा पछि उच्च अदालतमा परेको उनको रिटमा पाटनले काठमाडौं छाडन नपाउने गरी २० लाख रुपैया धरौटीमा रिहा गरेको थियो ।

धरौटी बुझाएर फर्किएका पुष २८ मा रिहा भएका सन्दीपलाई क्यानले राष्ट्रिय टिममा फर्काए पनि विदेश लैजान भने सक्ने अवस्था छैन । यही अवस्था चिर्न सन्दीपले सर्वोच्च अदालतको बाटो रोजेका हुन् ।

सन्दीपबिनै नेपाली टोली शनिबार यूएई प्रस्थान गर्ने तयारीमा छ । अहिलेको उनको स्थानमा क्यानले प्रतिक विष्टलाई राखेको छ । सर्वोच्चमा रिटमाथि सुनुवाइ आजै हुँदैछ । सुनुवाइ क्रमिक सूचीमा उनको रिट अन्तिममा परेको छ ।