नौलो जनवादी पार्टीका अध्यक्ष श्रेष्ठद्वारा राष्ट्रपतिमा उम्मेदवारी घोषणा

१२ फागुन, काठमाडौं । नेपाल नौलो जनवादी पार्टीका अध्यक्ष गंगालाल श्रेष्ठले राष्ट्रपति पदमा उम्मेदवारी घोषणा गरेका छन् । शुक्रबार काठमाडौंमा पत्रकार सम्मेलन गरेर उम्मेदवारी घोषणा गरेका हुन् ।

उनले मुलुकमा शान्ति, स्थिरता र सामाजिक न्यायका लागि आफूले राष्ट्रपति पदमा उम्मेदवारी दिने निर्णय गरेको बताए । राष्ट्रपति जितेर देशको अस्मितामाथि गिद्धे नजर लगाउने र जनताको अधिकार खोस्न खोज्नेहरूलाई परास्त गर्ने बताए ।

देश र जनतालाई उन्नति र प्रगतिमा बाधा पुर्याउने तत्वलाई निर्वाचनबाटै पराजित गरेर अगाडि बढ्नुपर्ने आजको आवश्यक रहेको उनको भनाइ छ ।

उनी पत्रकार सम्मेलनमा रिक्सा लिएर पुगेका थिए । आफूलाई राष्ट्रपति चुनावमा सहयोग गर्न पनि उनले आग्रह समेत गरे ।