८ दलीय गठबन्धनले लुम्बिनीका मुख्यमन्त्री गिरिकाे पद धरापमा

१५ फागुन, दाङ । आसन्न राष्ट्रपति निर्वाचनलाई लिएर केन्द्र सरकारमा प्रमुख प्रतिपक्षी दल नेपाली कांग्रेससहित ८ दलको नयाँ गठबन्धन बनेपछि लुम्बिनी प्रदेशमा नेकपा (एमाले)बाट मुख्यमन्त्री बनेका लिल गिरिको पद धरापमा परेको छ ।

लुम्बिनीमा २९ सिटसहित पहिलो दल रहेको एमालेबाट पोलिटब्युरो सदस्य लिला गिरी पुस २७ गते मुख्यमन्त्री नियुक्त भएका थिए । उनलाई सरकारमा रहेका माओवादी केन्द्र, जनता समाजवादी पार्टी (जसपा) र जनमत तथा सरकार बाहिरै रहेका नागरिक उन्मुक्ति र लोसपाले समर्थन गरेका थिए ।

अहिले कांग्रेस, माओवादी केन्द्र, एकीकृत समाजवादी( जसपा, लोसपा, जनमत, नाउपा, राजमोसहितको आठ दलीय गठबन्धन बनेपछि एमालेले आजै मात्र सरकारबाट समर्थन फिर्ता लिएको छ । एमालेका मन्त्रीहरुले प्रधानमन्त्री प्रचण्डलाई भेटेर आजै पदबाट राजीनामा बुझाउँदैछन् ।

एमालेले केन्द्र सरकारमा समर्थन फिर्ता लिने निर्णय गरेपनि प्रदेशबारे बोलेको छैन । यसबारे एमाले ‘पर्ख र हेर’काे अवस्थामा बस्ने देखिन्छ । पफिर्ता लिएकाे खण्डमा दाेस्राे ठूलाे कांग्रेसकाे नेतृत्वमा सरकार बन्ने देखिन्छ ।

तर लुम्बिनीमा माओवादी केन्द्रले समर्थन फिर्ता लिने संकेत दिइसकेको छ । फिर्ता लिनेबित्तिकै गिरीको सरकार स्वतः अल्पमतमा पर्नेछ । एमाले र माओवादी केन्द्र मिलेर सरकार गठन मुख्यमन्त्रीमा ५ वर्षे कार्यकालमा आधा आधा चलाउने सहमति भएको थियो ।

सोही अनुरुप सुरुमा दुवै दलले दाबी गरेपनि एमालेका गिरिले सुरुमै सरकारको नेतृत्व गर्ने अवसर पाएका हुन् । त्यसैमा माओवादीले खोँचे थाप्दै आइरहेको थियो । मन्त्रालय भागबण्डाकै बेला माओवादी केन्द्रका एक मन्त्री असन्तुष्ट जनाउँदै पदबाट राजीनामा समेत दिएका थिए ।