पूर्वराजा ज्ञानेन्द्र भारतको बागडोगरा पुगेकै हुन ? कसले बोलायो ?

१६ फागुन, काठमाडौं । नेपालका पूर्वराजा ज्ञानेन्द्र शाह अचानक भारत पुगेका छन् । स्रोतका अनुसार उनी नेपालबाट स्थलमार्ग हुंदै भारत पुगेका हुन । उनी भारतीय प्रधानमन्त्री नरेन्द्र मोदीको विशेष निम्तोमा भारत गएको दावी गरिएको छ ।

विश्वस्त स्रोतका अनुसार, उनी झापाबाट सडकमार्ग हुँदै भारतको बागडोगरा गएका छन् । पूर्वराजा शाह सोमबार भारततर्फ गएका हुन । यसबारे पूर्वराजाको सचिवालयले कुनै जानकारी सार्वजानिक नगरेपनि शाह भारत गएको विषय चर्चामा छ ।

स्रोतले पूर्वराजालाई रिसिभ गर्नका लागि भारतीय प्रधानमन्त्री मोदीका विश्वासपात्र रअका वर्तमान प्रमुख सामान्तप्रसाद गोयल बागडोगरा पुगेका थिए । नेपालका राजनीतिक दलहरु दिल्लीकै आर्सिवादमा सत्ताको छिनाझम्टी गरिरहेको मौकामा पूर्वराजा ज्ञानेन्द्रले छिमेकी मुलुक भारतको साथ खोज्ने प्रयास गरेको स्रोतको दावी छ ।

पछिल्ला दिनहरुमा नागरिक बचाऊ अभियानमा भारतको राष्टिय स्वयं सेवक संघ (आरएसएस)को विशेष सहयोग रहँदै आएको बताइएको छ । जसको उद्घाटन झापाबाट पूर्वराजा ज्ञानेन्द्रले नै गरेका थिए । हाल यो अभियानको नेतृत्व दुर्गा प्रसाईंले गर्दै आएका छन् ।

फागुन ७ गते प्रजातन्त्र दिवसको दिन पूर्वराजा ज्ञानेन्द्रबाट जारी भएको विज्ञप्तिमा राजनीतिक दलहरुले राजसंस्थासँग सहकार्य गर्नु पर्ने धारणा अघि सारेका थिए । विगत केही समयदेखि पूर्वराजाका विज्ञप्तिहरु राजनीतिक अर्थपूर्ण रहेका छन् ।