प्रदेश १ को नाम ‘कोशी’ कायम हुने पक्का

१७ फागुन, मोरङ । प्रदेश नं. १ को नाम ‘कोसी’ कायम हुने संभावना बढेको छ । प्रदेशभामा प्रतिनिधित्व रहेका दलहरुले बुधबार प्रदेशसभा सचिवालयमा प्रदेशको नामकाा लागि विभिन्न प्रसताव दर्ता गरेका छन् । सचिवालयले नाम प्रस्ताव दर्ता बुधबार दिउँसो १ बजेसम्मका लागि समय दिएको थियो ।

नेकपा (एमाले) र नेपाली कांग्रेसले ‘कोशी’, नेपाली कांग्रेसले, नेकपा )एकीकृत समाजादी र जनता समाजवादी पार्टी (जसपा)ले ‘किरात–लिम्बुवान–सगरमाथा’ नाम प्रस्ताव दर्ता गराएका छन् । नेकपा (माओवादी केन्द्र)ले भने एमाले–कांग्रेसके प्रसतावलाई समर्थन गर्ने जनाइसकेको छ ।

‘कोशी’ नामका लापग एमालेका सांसद रामबहादुर राना मगर प्रस्तावक र नेपाली कांग्रेसका भूमिप्रसाद राजवंशी समर्थक रहेर प्रस्ताव दर्ता गराएका छन् । यस्तै, एकीकृत समाजवादीका सांसद पूर्व मुख्यमन्त्री राजेन्द्रकुमार राईले दर्ता गरेको प्रस्तावलाई जसपा सांसद निर्मला लिम्बूले समर्थन गरेकी छन् ।

प्रदेशसभामा एमाले सबैभन्दा ठूलो दल, त्यसपछि कांग्रेस र तेस्रोमा माओवादी केन्द्र छन् । तीनै दल ‘कोशी’मा सहमत भएका कारण प्रदेशको नामाकरण ‘कोशी’ हुने पक्कापक्की भएको छ ।

प्रदेशमा यसअघि दुई/दुई जना मुख्यमन्त्री बनेका बेला प्रदेशको नामाकरण हुन सकेको थिए । त्यसबेला दलहरु नामाकरण जातीयता र क्षेत्रीयतामा आधारिक पहिचानबाट टसमस नभएपछि नामाकरणको विषयमा प्रस्ताव समेत आह्वान हुन सकेको थिएन ।

प्रदेशमा हाल एमालेबाट हिक्मतबहादुर कार्की मुख्य मन्त्री छन् । याे प्रदेशसभामा ९३ सदस्य छन् । नामाकरणका लागि दुईतिहई अर्थात ६३ सदस्य  संख्या चाहिन्छ । एमाले ४०, कांग्रेस २९ र माओवादी केन्द्र १३ सदस्य छन् । अन्यमा राप्रपाका ६, एकीकृत समाजवादी ४ र जसपाका १ जना सांसद छन् ।