३ भारतीयकाे साथबाट १ करोड बराबरको हिरा र सुनका गहना बरामद

१७ फगुन, काठमाडाैं । हिरा, सुनका गहना र विभिन्न किसिमका पत्थरहरूसहित प्रहरीले ३ भारतीय नागरिकलाई भारतीय नम्बर प्लेटको गाडीसाथ चितवन प्रहरीले मंगलबार राति पक्राउ गरेको हो । उनीहरुलाई भरतपुर महानगरपालिका–१२ स्थित गोन्द्राङको चेकपोष्टबाट पक्राउ गरिएको हो ।

उनीहरु सवार डब्लुबी १२ एभी ५५६६ नम्बरको कारबाट सुनका विभिन्न प्रकारका ११ थान गहना, हिरा ७ थान गहना र ३६ थान विभिन्न खाले पत्थरहरू बरादम भएको प्रहरलिे जनाएको छ ।

सुन र हिराको जस्तो देखिन बरामद सामान चितवनका सुनचाँदी व्यवसायीबाट सुन र हिराका भएको एकीन भएको बुधबारको पत्रकार सम्मेलनमा डीएसपी विजयराज पण्डिले बताए । सुनका गहना ६३ तोला र हिराका गहना २२ तोलाभन्दा धेरैका रहेका छन् ।

सामान चालक बस्ने सिटको पछाडिको सिटमुनि, गियर बक्स र एयर फिल्टरभित्र लुकाएर ल्याइरहेको अवस्था फेला परेको डीएसपी पण्डितले बताए । पक्राउ परेका कारका चालक भारत उत्तर प्रदेश राज्य, बलिया जिल्ला फेफना थानाका ४२ वर्षीय विनोदप्रसाद, भारत पश्चिम बंगाल राज्यका हौंडा जिल्ला गोलाबाडी थाना सल्किया स्कुल रोड कोलकाता बस्ने ४२ वर्षका नरेश बर्मा र ५१ वर्षका गणपतकुमार तोसावरलाई पत्रकार सम्मेलनमा सार्वजनिक गरेका छन् ।

थप अनुसन्धानका लागि बरामद गहनासहित उनीहरुलाई बारा पथलैयामा रहेको राजस्व अनुसन्धान कार्यालय पठाएकाे छ ।