भरतपुरमा भारतीय युवतीको मृत्यु प्रकरणमा ३ युवक पक्राउ

१८ फागुन, चितवन । भरतपुर महानगरपालिका–१० कालिका चोकस्थित एक घरमा भारतीय युवती झुण्डिएको अवस्थामा मृत फेला परेको घटनामा प्रहरीले ३ नेपाली युवकलाई पक्राउ गरेको छ । भारत आसमकी युवती १९ वर्षीया सुनिता देवीको बुधबार राति मृत फेला परेकी थिइन् । देवीको हत्या भएको आशंका उनीहरुलाई प्रहरीले पक्राउ गरेको छ ।

झुण्डिएको अवस्थामा भेटिएको भनिएपनि प्रहरीले देवीलाई साथीहरुले पासो काटेको अवस्थामा भूईमा राखेको अवस्थामा शव फेला परेपछि हत्याको आशंका अनुसन्धान सुरु गरेको छ ।

३ जना युवतीले बस्नका लागि एक घरको फ्ल्याट भाडामा लिएको र सो फ्ल्याटमा २ जना युवती र २ युवक बुधबार राति सँगसँगै बसेको र उनीहरुका बीचमा झगडा भएको सुनिएको छिमेकीहरूले बताएका छन् । मृतक सुनिताको शव पोष्टमार्टमका लागि भरतपुर अस्पतालमा राखिएको छ । मृतकका परिवार सम्पर्कमा आइनपुगेको प्रहरीले जनाएको छ ।