विश्वकप क्रिकेट लिग-२ : नेपालले पायाे यूएईबाट २०८ रनको चुनौति

१८ फागुन, काठमाडौं । विश्वकप क्रिकेट लिग-२ मा यूनाइटेड अरब इमिरेट्स (यूएई)ले नेपाललाई २०८ रनको चुनौति दिएको छ । टस जितेर फिल्डिङ रोजेको नेपालले यो चुनौति पाएको हो ।

यूएईले निर्धारित ५० ओभरमा ८ विकेट गुमाई २ सय ७ रन बनाएकाे हाे । सन्दीप लामिछानेले ३, करण केसी, कुशल मल्ल र आरिफ शेखले १–१ विकेट लिए । खेल यूएईस्थित दुबई अन्तर्राष्ट्रिय क्रिकेट मैदानमा भइरहेकाे छ । केहीबेरमै नेपालले यूएईविरूद्ध ब्याटिङ गर्दैछ ।

नेपालले लिग २ मा पछिल्ला सबै ५ खेल जितेको छ । यूएईले पछिल्ला ५ एकदिवसीय अन्तर्राष्ट्रिय खेलमा ४ मा पराजय व्यहोरेको थियो । कमजोर मानिएको पपुवा न्यु गिनीविरुद्ध यूएई सोमबार १ सय ३१ रनले पराजित भएको थियो । त्यही पपुवा न्यु गिनीलाई आइतबार नेपालले ४ विकेटले पराजित गरेको थियो ।