एमसीसीले धादिङ, पाल्पा र तनहुँमा सुरू गर्याे जग्गा प्राप्तिसम्बन्धी प्रक्रिया

२३ फागुन, काठमाडौं । संसदबाट अनुमोदित एमसीसी सम्झौताको कार्यान्वयका लागि एमसीए नेपाललेले धादिङ, पाल्पा र तनहुँमा जग्गा प्राप्तिसम्बन्धी प्रारम्भिक कारबाहीसम्बन्धी सूचना प्रकाशन गरेको छ । यी ३ जिल्लाभित्र पर्ने विद्युत् प्रसारण लाइनको टावरको जग निर्माण प्रयोजनका लागि आयोजनालाई आवश्यक पर्ने जग्गा प्राप्त गर्न मंगलबार सूचना प्रकाशन गरेको हो ।

सूचनाअनुअसार नयाँ बुटवलदेखि नयाँ दमौली, रामघाटदेखि नयाँ दमौली र रामघाटेखि नयाँ हेटौंडासम्मको क्षेत्रमा पर्ने टावर निर्माणका लागि जग्गा प्राप्तिका लागि सूचना दिइएको छ ।

उसले जग्गा प्राप्ति ऐन, २०३४ को दफा ६ (१) अनुसार यो प्रारम्भिक कारबाहीको सूचना प्रकाशित गरिएको जानकारी दिएको छ । जग्गा प्राप्ति ऐन, २०३४ अनुसार आयोजनाका लागि आवश्यक पर्ने जग्गा प्राप्त गरिने हुनाले सो क्षेत्रमा जग्गाको नाप जाँच गर्ने, सर्वेक्षण गर्ने, साँध छुट्याउने, किला गाड्ने प्रयोजनको लागि सोही दफाको उपदफा २ बमोजिम सूचना जारी भएको ३ दिनपछि प्राविधिक सहितको टोली खटी आउने जानकारी दिएको छ ।

यही सन्दर्भमा सोही ऐनको दफा १३ अनुसार धादिङ, पाल्पा र तनहुँ जिल्लाका प्रमुख जिल्ला अधिकारीको अध्यक्षतामा बसेको मुआब्जा निर्धारण समितिको प्रथम बैठकबाट प्रारम्भिक कारबाही चलाई जग्गा प्राप्तिको कार्य अगाडि बढाउने निर्णय भएको समेत जानकारी सूचनामा उल्लेख छ ।

यद्यपि, नेपालमा एमसीसी सम्झौता र एमसीएको कार्यालय संचालनकै चर्को विरोध भइरहेको छ । एमसीसी सम्झौता अमेरिकाको सैन्य रणनीतिअन्तर्गत विकासको नाममा संचालित पििरयोजना भएको औल्याउँदै एसलाई नेपालबाट हटाउनुपर्ने आवाज झनै व्यापक बन्दै गइहरेको छ । काठमाडौंको लफ्सीफेदीमा टावरका जग्गा अधिग्रहण गर्ने क्रममा चलेको विवाद अहिलेसम्म टुंगिएको छैन । त्यहाँ स्थानीयले एसीसीले विद्युत प्रसार(ा लाइन निर्माणमा दिने भनिएको सहयोग राष्ट्रको हितमा नरहेको भन्दै जग्गा दिन अस्वीकार गरेका छन् ।