प्रधानमन्त्री प्रचण्ड र बेलायतकी राज्यमन्त्री ट्रेभेलियनबीच भेटवार्ता

२६ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’र बेलायतको विदेश, कमनवेल्थ तथा विकास राज्यमन्त्री एन मरी ट्रेभेलियनबीच भेटवार्ता भएको छ ।

विदेशराज्यमन्त्री ट्रेभेलियनले शुक्रबार प्रधानमन्त्रीको सरकारी निवास बालुवाटार पुगेर प्रधानमन्त्री प्रचण्डसँग भेटवार्ता गरेकी हुन् । नेपाल–बेलायत मैत्री सन्धि १९२३ एक सय वर्ष पुगेको उपलक्ष्यमा राज्यमन्त्री ट्रेभेलियनलको नेपाल भ्रमण भएको हो ।

भेटमा आपसी हित, द्विपक्षीय र लगानी वृद्धिका सम्बन्धका बारेमा चर्चा भएको प्रधानमन्त्री प्रचण्डको सचिवालयले जनाएको छ । पछिल्लो समय बेलायतले लगानी बोर्डमार्फत् जलबिद्युत क्षेत्रमा आर्थिक लगानी गर्दै आएको छ ।