सिंहदरबारमा गठबन्धन कार्यदलको बैठक सुरु

२६ फागुन, काठमाडौं । सत्ता घटक दलहरु आवद्ध गठबन्धनको कार्यदलको बैठक सिंहदरबारमा सुरु भएको छ । कार्यदलको बैठकमा उपराष्ट्रपति निर्वाचन, मन्त्रिपरिषद् विस्तारलगायतका विषयमा छलफल हुने बताइएको छ ।

शनिबार उपराष्ट्रपति निर्वाचनको मनोनयन दर्ता गर्नुपर्ने समय भएकाले त्यसबारे निर्णय लिन कार्यदलका संयोजक समेत रहेका कांग्रेस उपसभापति पूर्णबहादुर खड्काले बैठक बोलाएका हुन् ।

गठबन्धनका एक घटक जसपाले पार्टीमा निर्णय गरेर उपराष्ट्रपतिमा दाबी गरिरहेको छ । उसले संघीय संसदको संसदीय दलका नेता रामसहाय प्रसाद यादवालाई उपराष्ट्रपतिमा उम्मेदवार बनाउने बिहीबार नै निर्णय गरिसकेको छ । दाबीबाट पछि नहट्ने पार्टीका अध्यक्ष यादवले बताएका छन् ।

उता गठबन्धनकै घटक नागरिक उन्मुक्ति पार्टीले पनि उपराष्ट्रपतिमा उम्मेदवारी दिने निर्णय आजै मात्र गरेको छ । सुरूमा ८ दलीय बनेकाे गठबन्धनमा पछिल्लाेपटक बाबुराम भट्टराइ नेतृत्वकाे नेपाल समाजवादी पार्टी पनि मिसिएपछि ९ दलीय बनेकाे छ ।