प्रधानमन्त्री प्रचण्डविरुद्धको मुद्दामा सर्वोच्चले दियाे कारण देखाउ आदेश

२६ फागुन, काठमाडौं । प्रधानमन्त्री पुष्पकमल दाहाल ‘प्रचण्ड’विरुद्धको मुद्दामा सर्वोच्च अदालतले कारण देखाउ आदेश दिएको छ । मंगलबार दायर भएको रिट निवेदनमा आज न्यायाधीश ईश्वप्रसाद खतिवडाको एकल इजलासमा भएको सुनुवाइपछि विपक्षी प्रधानमन्त्री प्रचण्डको नाममा कारण देखाउ आदेश जारी भएको हो ।

रिट निवेदकहरुले प्रचण्डलाई द्वन्द्वकालीन ज्यान मुद्दामा पक्राउ गरी विद्यमान फौजदारी कानूनबमोजिम अनुसन्धान गर्न रिट जारी गर्न माग गरेमा रिट जारी हुनु नपर्ने आदेश दिएको हो । तर रिटलाइ अग्राधिकार दिने निर्णय सर्वोच्चले गरेको छ ।

सुनवाइपछि ‘रिटमा माग गरेबमोजिम अन्तरिम आदेश जारी हुनु पर्नेसम्मको पर्याप्त कारण नदेखिएको’ निर्णयसहित अन्तरिम आदेश दिन अस्वीकार गरेको हो । तर सर्वोच्च अदालत नियमावली २०७४ को नियम ७३ (१) बमोजिम  मुद्दा छिटाे टुंग्याउने (निरूपण गर्ने) अग्राधिकार दिइएको छ । अधिवक्ता ज्ञानेन्द्रराज आरण, कल्याण बुढाथोकी, द्वन्द्वपीडित चिरञ्जीविवास गिरी लगायतले प्रचण्डविरुद्ध रिट दिएका थिए ।