आईसीसी विश्वकप क्रिकेट लिग-२ : पपुवा न्यूगिनीसँग हार्यो यूएई

२६ फागुन, काठमाडां । आईसीसी विश्वकप क्रिकेट लिग २ अन्तर्गत नेपालमा जारी त्रिदेशीय एकदिवसीय शृंखलामा यूएई पपुवा न्यूगिनी (पीएनजी)सँग हारेको छ ।

आज कीर्तिपुर क्रिकेट मैदानमा भएको खेलमा यूएई ५६ रनले हारेको हो । यूएईको यो हार लगातार तेस्रो हो ।

पीएनजीले दिएको २ सय ४७ रनको लक्ष्य पछ्याएको यूएई ४२.२ ओभरमा १ सय ९० रन बनाएर अलआउट भयो । यसअघि, यूएई आफ्नै मैदानमा पीएनजीसँग दुईपटक पराजित भएको थियो ।

पीएनजीसँगको हारपछि यूएईलाई शीर्ष पाँचमा रहेर एक दिवसीय मान्यता जोगाउन बाँकी तीन खेल जित्नै पर्ने बाध्यता बनेको छ । यूएईले दोस्रो खेल आईतबार नेपालसँग खेल्नेछ । पीएनजी पहिलो खेलमा नेपालसँग ५२ रनले पराजित भएको थियो ।