उपराष्ट्रपतिबारे निर्णय गर्न एमालेले बोलायो सचिवालय बैठक

२६ फाग्न, काठमाडौं । नेकपा (एमाले)ले उपराष्ट्रपतिको उम्मेदवारबारे निर्णय गर्न केन्द्रीय सचिवालय बैठक बोलाएको छ । बैठक शनिबार बिहान ९ बजे बस्नेगरी बोलाएको उपमहासचिव पृथ्वीसुव्वा गुरुङले जानकारी दिए । बैठकमा राष्ट्रपति निर्वाचनको समीक्षा र उपराष्ट्रपतिको उम्मेदवारबारे निर्णय गर्ने उनलेबताए ।

उपराष्ट्रपतिका लागि निर्वाचन आयोगले शनिबारलाई नै उम्मेदवारी दर्ताको कार्यतालिका तोकेको छ । राष्ट्रपतिमा पार्टीका उपाध्यक्ष सुवासचन्द्र नेम्वाङ कांग्रेसका उम्मेदवार रामचन्द्र पौडेलसँग फराकिलो मतान्तरले पारजित भएका थिए ।