सिन्धुली बस दुर्घटनामा मृतककाे संख्या ६ पुग्यो

२८ फागुन, काठमाडौं । सिन्धुलीको फिक्कल गाउँपालिका–४ मा आज बिहान भएको बस दुर्घटनामा मृत्यु हुनेको संख्या ६ पुगेको छ । ओखलढुंगाबाट काठमाडौं आउँदै गरेको बा २ ख ६५९६ नम्बरको बस फिक्कलमा आइतबार बिहान सवा ९ बजे दुर्घटना भएको थियो ।

मृतकको संख्या ६ पुगेको सिन्धुली जिल्ला प्रहरी कार्यालयले जनाएको छ । बसमा चालक दलका सदस्युहित ३४ जना सवार रहेको बताइएको छ । मृत्यु हुनेमा ३ पुरुष र ३ महिला छन् ।

दुर्घटनामा परेर २९ जना घाइते भएका छन् । उनीहरुलाई उपचारका लागि खुर्कोट र धुलिखेल पठाइएको प्रहरीले जनाएको छ । दुर्घटनाग्रष्त बस भित्तामा च्यापिएको अवस्थामा रहेकाले उद्धारमा कठिनाइ भएको प्रहरीले जनाएको छ ।