रामसहायको उम्मेदवारी कायम राख्ने निर्णयको जसपाद्वारा स्वागत, प्रमिलाकुमारीको उम्मेदवारीबारे निर्णय लिइँदै

२८ फागुन, काठमाडौं । जनता समाजवादी पार्टी (जसपा)ले उपराष्ट्रपति पदमा पार्टीका सांसद रामसहायप्रसाद यादवको उम्मेदवारी कायम राख्ने निर्वाचन आयोगको निर्णयको स्वागत गरेको छ ।

उपराष्ट्रपतिका उम्मेदवार यादवको उम्मेदवारी कायम राख्ने निर्णयको स्वागत गरेको जसपाका नेता प्रदीप यादव बताए । उनले जसपाबाटै उम्मेदवारी दिएकी प्रमिलाकुमारी यादवको उम्मेदवारीबारे छलफल गरेर फिर्ता लिइने बताए ।

राष्ट्रपति र उपराष्ट्रपतिमा परेका नामावली फिर्ता लिने समय आजै दिउँसो ४ बजेसम्म तोकिएको छ । त्यसपछि ५ बजे नै उम्मेदवारहरुको अन्तिम नामावली प्रकाशन हुने निर्वाचन अधिकृतको कार्यालयले जनाएको छ ।