आईसिसी विश्वकप लिग-२ : नेपालले युएईलाई दियो २४९ रनको लक्ष्य

२८ फागुन, काठमाडौं । घरेलु मैदानमा जारी आईसीसी विश्वकप लिग २ अन्तर्गत अन्तिम श्रृंखलाको दोस्रो खेलमा नेपालले यूएईलाई २४९ रनको लक्ष्य दिएको छ ।

आइतबार बिहान तस जितेर ब्याटिङ राजेको नेपालले उक्त लक्ष्य दिएको हो ।  त्रिवि क्रिकेट मैदानमा भएकाे खेलमा नेपालले ४९ ओभर २ बलमा सम्पूर्ण विकेट गुमाएर २४८ रन बनायो । नेपालका लागि सबैभन्दा बढी क्याप्टेन राेहितकुमार पाैडेलले ७७ रन जाेडे ।

केहीबेरमपछि यूएईले जवाफी ब्याटिङ गर्दैछ । दुवै टोली आजको खेल जित्नैपर्ने दबाब छ । आजको खेल जित्नेले एक दिवसीय मान्यता जोगाउन सफल हुनेछ ।