संक्रमणकालीन न्यायको विषय अदालतसँग जी हजुर गर्ने विषय होइन : आहुती

२८ फागुन, काठमाडौं । वैज्ञानिक समाजवादी नेपाल कम्युपनष्ट पार्टीका महासचिव देशभक्त दुलाल ‘आहुती’ले संक्रमणकालीन न्याय सम्पादन र द्वन्द्वपीडितलाई परिपूरण दिने विषय न्यायालयसँग गुहार माग्ने र ‘जी हजूर’ गर्ने विषय नरहेको बताएका छन् ।

माओवादी धारका दलहरुको काठमाडौंमा जारी पत्रकार सम्मेलन महासचिव आहुतीले केही परिवर्तनविरोधी शक्तिको इसारामा द्वन्द्वकालीन न्यायका विषयलाई सर्वोच्चमा पुर्याएर देशलाई पुनः द्वन्द्वमा धेकेल्न प्रपञ्च सुरु भएको बताए ।

द्वन्द्वका पीडितलाई न्याय दिने विषय नै संक्रमणकालीन न्यायसम्बन्धी रहेको बताउँदै यसलाई राज्यले आमरुपमा समाधान दिनुपर्ने बताए । ‘संक्रमणकालीन न्यायले कुनै व्यक्ति र पार्टी विशेषको मात्र होइन’ उनले भने, ‘यो त राज्य र आमनागरिकको विषय हो । यसमा अदालत वा न्यायाधीशसँग गुहार माग्ने विषय नै होइन ।’ उनले माओवादी धारका सबै दल एक ठाउँमा आएर समाधान दिनेबारे पहल लिनुपर्ने उनको भनाइ छ । पत्रकार सम्मेलन जारी छ ।

द्वन्द्वकालीन घटनाका विषयलाई लिएर नेकपा (माओवादी केन्द्र)का अध्यक्ष समेत रहेका प्रचण्डविरुद्धलाई पक्राउ गरी फौजदारी कानूनबमोजिम कारवाही गर्नुपर्ने मागसहित सर्वोच्च अदालतमा मुद्दा दर्ता भएको विषयलाई लिएर माओवादीका ९ घटकहरुले आइतबार काठमाडौंमा संयुक्त पत्रकार सम्मेलनको आयोजना गरेको छ ।