पदम गिरि बने एमालेका प्रमुख सचेतक, सचेतकमा बर्ताैला

२८ फागुन, काठमाडौं । नेकपा (एमाले) प्रमुख सचेतकमा पदम गिरि मनोनित भएका छन् । एमाले संसदीय दलका नेता केपी शार्म ओलीले गिरिलाई प्रमुख सचेतकमा मनोनयन गरेका हुन् ।

पर्वतबाट लगातार दोस्रो पटक चुनाव जितेका गिरि पुष्पकमल दाहाल ‘प्रचण्ड’ नेतृत्वको सरकारका करिब दुई महिना स्वास्थ्य तथा जनसंख्या मन्त्री बनेका थिए । तर प्रचण्ड एमालेको साथ छाडेर कांग्रेससँग गठजोड गर्न पुगेपछि एमाले प्रतिपक्षी बनेको छ ।

अघिल्लाे कार्यकालमा गिरिकाे स्थानमा विशाल भट्टराई थिए । उनी गएकाे मंसिरमा सम्पन्न चुनावमा पराजित भएका थिए ।

यसैगरी सचेतकमा भने महेश बर्ताैला मनाेनित भएका छन् । बर्ताैला नेकपा (एस)का नेता विराेध खतिवडालाई पराजित गरी मकवानपुर २ बाट संघीय सांसद निर्वाचित बनेका हुन् ।