पृथ्वीनारायणमा विद्यार्थीको तालाबन्दी, स्ववियू चुनावको विषय पुग्यो उच्च अदालत

२९ फागुन, पोखरा । उच्च अदालत पोखराको आदेशपछि गण्डकीकै सबैभन्दा ठूलो संख्यामा विद्यार्थी रहेकाे क्याम्पस पृथ्वीनारायण क्याम्पसमा स्ववियु निर्वाचन अनिश्चित बनेको छ ।

चुनावमा भाग लिन नयाँ विद्यार्थी संगठनमा परेको विवादका कारण ५ चैतमा हुने मतदानको लागि हालसम्म मनोनयन दर्ता हुन सकेको छैन । विवादले उग्र रुप लिन पुगेपछि निर्वाचन समितिका पदाधिकारीले काम नगर्न नसक्ने जनाउँदै क्याम्पस प्रमुखलाई शनिबार नै पत्र बुझाइसकेका छन् ।

त्यसपछि क्याम्पस प्रशासनलाई विपक्षी बनाई दायर रिटमा अदालतले २ चैतसम्म चुनावसम्बधी कुनैपनि काम अघि नबढाउनू भनी दुवै पक्षलाई छलफलका अल्पकालीन आदेश दिएपछि अहिले चुनावसम्बधी काम ठप्प छ । रिट संगठनको नाम परिवर्तन भएको भनी स्वतन्त्र विद्यार्थी समूहका तर्फबाट विप्लवी न्यौपाने समेतले २६ फागुनमा रिट दायर गरेका थिए ।

गत १९ फागुनमा संगठनको नाम स्वतन्त्र विद्यार्थी समूह राखी दर्ता गराएकोमा स्ववियु निर्वाचन समितिले मनोमानी ढंगले पृथ्वी विद्यार्थी मञ्च नाम राखेर अन्तिम नामावली प्रकाशन गरेपछि पुरानै नाम कायम गरी पाउँ भनी रिट परेको थियो । नयाँ खारेज नभएसम्मका भन्दै उनीहरुले क्याम्पसमा रहेको निर्वाचन समितिको कार्यालयमा तालाबन्दी गरेका छन् ।

पीएन क्याम्पसमा देशभरकै सबैभन्दा बढी झण्डै १३ हजार स्ववियू मतदाता रहेका छन् । उच्चकाे अन्तिम आदेशपछि मात्र स्ववियू चुनावबारे टुंगाे लाग्नेछ ।