नेपालकाे उत्कृष्ट बलिङपछि पपुवा न्यू्गिनी ९५ रनमै अलआउट, नेपालसामु ९६ रनकाे लक्ष्य

२९ फागुन, काठमडाौं । आईसीसी विश्वकप लिग-२ अन्तर्गतको अन्तिम त्रिकोणात्मक सिरिजमा आफ्नो तेस्रो खेलमा नेपालले पपुवा न्युगिनी (पीएनजी)माथि शानदार प्रस्तुति दिएको छ ।

५० ओभर अर्थात ३०० बलको खेलमा पीएन्जी ९५ रनमै सबै विकेट गुमाउँदै अलआउट भएको छ । नेपालका लागि सन्दिप लामिछाने एक्लैले ५ विकेट लिएपछि नेपालले पीएनजीलाई १०० रन पनि पुग्न नदिई सस्तैमा सीमित गराएको छ ।

सोमबार बिहान त्रिवि क्रिकेट मैदान कीर्तिपुरमा टस जितेर नेपालले पिएनजीलाई पहिले ब्याटिङको निम्तो दिएको थियो । नेपालले केहीबेरपछि पीएनजीसँग जवाफी ब्याटिङ गर्दैछ । नेपालले अर्काे खेल बिहीबार यूएईसँग खेल्दैछ । त्याे खेल जितेकाे अण्डमा आईसीसी विश्वकपमा अन्तिम छनाैट खेल खेल्ने ढाेकाे खुल्नेछ ।