विप्लव र झलनाथबीच राजनीतिक निकासबारे छलफल

२९ फागुन, काठमाडौं । नेपाल कम्युनिस्ट पार्टी (नेकपा)का महासचिव नेत्रविक्रम चन्द ‘विप्लव’ र नेकपा (एकीकृत समाजवादी)का वरिष्ठ नेता लनाथ खनालबीच भेटवार्ता भएको छ ।

आइतबार साँझ खनालनिवास डल्लूमा भएको भेटवार्तामा मुलुकमा देखिएको राजनीतिक तथा आर्थिक र निकासका विषयमा गम्भीर छलफल भएको बताइएको छ । आगामी दिनमा देशमा कम्युनिष्ट पार्टीहरुबीच एकता गर्नेबारे पनि छलफल भएको विप्लवका सचिवालयले जनाएको छ ।

दस वर्षे सशस्त्र द्वन्द्वकालमा विद्रोही पक्षको नेतृत्व गरेका प्रधानमन्त्री पुष्पकमल दाहालविरुद्ध सर्वोच्च मुद्दा परेपछि संसदीय व्यवस्थाविरोधी विप्लव विभिन्न राजनीतिक दल नेतासँग भेटघाटमा सक्रिय छन् ।