उपराष्ट्रपतिमा महिला नै हुनुपर्ने मागसहितको रिट दर्ता गर्न सर्वाेच्चद्वारा अस्वीकार

३० फागुन, काठमाडौं । उपराष्ट्रपतिमा महिलालाई नै हुनुपर्ने मागसहित सर्वोच्च अदालतमा पेस गरिएको रिट सर्वोच्च प्रशासनले दर्ता गर्न अस्वीकार गरेको छ ।

राष्ट्रपतिमा पुरुष निर्वाचित भएपछि उपराष्ट्रपति पदमा महिला नै हुनुपर्ने मागसहित अधिवक्ता राधिका खतिवडाले अदालतमा रिट पेस गरेकी थिइन् । सो रिटको अध्ययनपछि मंगलबार रजिस्ट्रारको आदेशबाट दरपिठ अर्थात अस्वीकार भएको जानकारी दिइएको छ ।

यसअघि आइतबार राष्ट्रपति र उपराष्ट्रपतिको निर्वाचन अधिकृतको कार्यालयले १० दलीय गठबन्धनको तर्फबाट उपराष्ट्रपतिका उम्मेदवार जसपाका सांसद रामसहायप्रसाद यादवको उपराष्ट्रपति पदको उम्मेदवारी कायम गरेको थियो ।