विप्लव र सुशिलकाे पार्टी एकताबारे पत्रकार सम्मेलनमार्फत जानकारी दिइँदै

१ चैत, काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा) र कर्णजित बुढा ‘सुशिल’ नेतृत्वको नेकपा माओवादी समाजवादीबीच पार्टी एकताको गृहकार्य अन्तिम चरणमा पुगेको छ ।

सोबारे जानकारी दिन दुवै पार्टीले आज दिउँसो काठमाडौंमा पत्रकार सम्मेलन गदैछन् । पत्रकार सम्मेलन दिउँसो २ बजे कमलादीस्थित प्रज्ञा भवनमा हुने नेकपाका प्रचार विभाग इन्न्चार्ज अनिल शर्माले जानकारी दिए ।

राेल्पाका विप्लव र हुम्लाका बुढा तत्कालीन सशस्त्र युद्धका प्रभावशाली नेता हुन् । युद्धका नेतृत्व प्रचण्ड संसदीय व्यवस्थामा प्रवेश गरेपछि उनीहरू अलग्गै पार्टी बनाएर सक्रिय छन् ।