गोंगबु क्षेत्रका घर टहरा खाली गराउन काठमाडाैं महानगरको १५ दिने अल्टिमेटम

१ चैत, काठमाडौं । काठमाडौं महानगपालिले वडा नं. २६ को गोंगबु क्षेत्रमा गिल्फ रियल स्टेट प्रालिको नाममा रहेको जग्गामा बिना नक्सा पास नगरी बनाइएका २६ घर टहरा खाली गराउन १५ दिने अल्टिमेटम दिएको छ ।

बुधवार एक दैनिकमा सूचना प्रकाशन गर्दै महानगरले नक्सा पास नगरी निर्माण गरी विभिन्न व्यवसाय िसंचालन गर्दै आइरहेका व्यक्ति र कम्पनीको नाममा सूचना जारी गरेको हो ।

व्यवसायीहरुले सम्पत्ति हकसम्बन्धी अधिकार प्रयोगबाट जग्गाधनी वञ्चित रहेको उल्लेख गर्दै १५ सूचना प्रकाशन भएको १५ दिनभित्र सम्पूर्ण घर टहरा खाली गराई कानूनको पालना गर्न भनिएको छ ।

व्यवसायीहरुले करिब २ वर्षदेखि भाडा रकम नतिरी, जबरजस्ती स्थान ओगटेर बसिरहेको र भाडा रकम माग्दा विभिन्न धाक धम्की दिएको उल्लेख छ । व्यवसायीहरुलाई १५ दिनभित्र २६ नंं वडा कार्यालयमा उपस्थित हुन समेत भनिएको छ ।

व्यवसायीहरुले प्रालिको नाममा दर्ता कायम रहेको कि.नं. २२७, ७७, २९०, २९२, २९४, २२४, २२६, २९५ र ७९ मा नक्सा पास नगरी घर टहराहरू बनाइ जबर्जस्त रुपमा बस्दै आइरहेको जनाइएको छ ।

भाडा नतिरी घर टहरामा व्यवसाय सञ्चालन गर्ने २६ जना व्यक्ति तथा संस्थाको नाम समेत सार्वजनिक गरिएको छ । त्यसमा आईएमई कम्पनी समेत परेको छ ।