रासायनिक मलमा मूल्य वृद्धिको चर्काे विरोध, काठमाडाैंमा प्रदर्शन

१ चैत, काठमाडौं । सरकारले अप्रत्यासित रुपमा रासायनिक मलमा बढाएको मूल्य फिताको माग गर्दै काठमाडौ.मा विरोध प्रदर्शन भएको छ ।

बुधबार राष्ट्रिय प्रजातान्त्रिक किसान संगठनले राजधानीको माइतीघर मण्डलामा जम्मा भएर मूल्य वृद्धिको माग गर्दै सरकारविरुद्ध चर्का नाराबाजीसहित प्रदर्शन गरेका छन् । उनीहरुले टाउकोमा कालो कपन बाँधेर सडकमा धर्ना बसेका छन् । प्रदर्शनमा सयौंको संख्यामा किसानहरु सहभागी भएका छन् । उनीहरुले सरकारले किसानलाई खेतीबाट विस्थापित गराउने षडयन्त्रपूर्वक योजनावद्ध रुपमा अनावश्यक मूल्य बढाएको भन्दै आक्रोश व्यक्त गरे ।

प्रदर्शनकारीले ‘जनविरोधी सरकार चाहिँदैन, मूल्य वृद्धि खारेज गर, मल सहज आपुर्ति गर’ जस्ता नारा लगाए । सरकार यही सोमबार मलमा दिइँदै आएके ७० प्रतिशत अनुदानलाई ५९ प्रतिशतमा झार्दै युरिया मलमा प्रतिकेजी १४ रुपैयाँ बढाएर २५ पुर्याउने निर्णय गरेको थियो ।

पोटास र डीएपीमा पनि भारी मात्रामा मूल्य बढाएको छ । किसानले वर्षौदेखि नै समयमा मल नपाउने र कालो बजारियासँग चर्को मूल्यमा मन किन्नुपर्ने आवस्था भत्काउनुको साटो सरकार मूल्य वृद्धिमा लागेपछि चौतर्फी विरोध सुरु भएको छ ।

सरकार भने अमृेरिकी डलरको भाउ बढेर अन्तर्राष्ट्रिय क्षेत्रमा मलको मूल्यमा वृद्धि भएको कारण मुख्य रहेको तर्क गर्दै आएको छ । तर विज्ञहरुले सरकारको तर्क मान्न तयार देखिँदैनन् ।

प्रदर्शनकाे नेतृत्व राप्रपा नेपालकाे किसान संगठनले गरेकाे थियाे । उनीहरूले किसानविराेधी निर्णय फिर्ता नभएसम्म प्रदर्शन कायम रहने बताए ।आन्दोलनकारीले ३ चैतमा प्रधानमन्त्रीलाई ज्ञापनपत्र बुझाउने भएका छन् ।