यूएई कप्तान वासिमको विस्फोटक ब्याटिङसँगै पीएनजी ६ विकेटले पराजित

१ चैत, काठमाडौं । आईसीसी विश्वकप लिग-२ अन्तर्गत पपुवा न्युगिनी (पीएनजी) आजकोखेलमा यूएईसँग ६ विकेटले पराजित भएको छ ।कीर्तिपुरस्थित क्रिकेट मैदानमा भएको त्रिकोणात्मक सिरिजको अन्तिम खेलमा यूएईका कप्तान मोहम्मद वासिमको विस्फोटक ब्याटिङपछि पीएनजी पराजित हुन पुगेको हो ।

टस जितेर सुरुमा ब्याटिङ गरेको पीएनजीले दिएको २३५ रनको विजयी लक्ष्य यूएईले ४ विकेट गुमाएर ३८.४ ओभरमै पूरा गरेको हो । कप्तान वासिमले ४ चौका र ११ छक्कासहित उनले ६० बलमा शतक बनाए ।

यो सँगै पिएनजीले लिग २ का सबै ३६ खेल खेलेको छ । ५ जितसहित ११ अंक जोडेको पिएनजी अंक तालिकाको पुछारमा छ । आफ्नो १५ औं जित निकालेको यूएईले ३३ अंक जोडेको छ ।

अब लिग २ को अन्तिम खेलमा भोलि बिहीबार नेपाल र यूएईीच प्रतिस्पर्धा हुँदैछ । नेपालले यो खेल जितेको खण्डमा आईसीसी विश्वकपको छनौट खेलमा सहभागी हुने बाटो खुल्नेछ ।