सत्ता गठबन्धनको बैठक बालुवाटारमा जारी

१ चैत, काठमाडौं । उपराष्ट्रपति निर्वाचन र सरकार विस्तारबारे छलफल गर्न १० दलीय गठबन्धनको बैठक प्रधानमन्त्रीको सरकार निवास बालुवाटारमा जारुी छ ।

बैठकमा आगामी शुक्रबार हुने उपराष्ट्रपति निर्वाचनमा दलहरुको साझा धारणा तय गर्नेबारे छलफल भइरहेको जनाइएको छ । साथै सरकार विस्तारसम्बन्धी विषयमा पनि छलफल हुने बताइएको छ ।

बैठकमा नेकपा माओवादी केन्द्रका अध्यक्षसमेत रहेका प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, लोसपा अध्यक्ष महन्थ ठाकुर, नेकपा (एकीकृत समाजवादी)का अध्यक्ष माधवकुमार नेपाललगायत गठबन्धन दलका शीर्ष नेता सहभागी छन् ।

राप्रपा, रास्वपाले सरकार छाडेपछि १६ मन्त्रालयको जिम्मेवारी प्रधानमन्त्री प्ष्पकमल दाहाल ‘प्रचण्ड’ले सम्हालिरहेका छन् । सरकारसँग २२ मन्त्रालय रहेकामा चार मन्त्री मात्र छन् ।