चक्रे मिलनको मुद्दामा सर्वोच्चले दिएको आदेशमा हेरफेर

१ चैत, काठमाडौं । अपराधिक तवरले अकूत सम्पत्ति कमाएको आरोपमा दायर मुद्दामा विशेष अदालतले सफाइ दिएको फैसलाविरुद्ध सम्पत्ति शुद्धिकरण विभागले पुनरावेदनमाथि सर्वोच्च अदालतले बुधबार दिएको आदेशमा हेरफेर गरिएको छ ।

४ वर्षदेखि विचराधीन रहेको मिलनविरुद्धको पुनरावेदनमाथि सुनुवाईका लागि पहिलो नम्बरमै न्यायाधीशद्व प्रकाशकुमार ढुंगाना र नकुल सुवेदीको संयुक्त इजलासमा पेसी तोकिएको थियो । सुनुवाइ पनि भयो । सुनवाइ भएको झण्डै ३ घण्टापछि सर्वोच्च प्रशासनले आफ्नो वेभसाइटमा ‘आदेश फैसलाको किसिम’ कोलममा ‘मिसिल कागज झिकाउने’ उल्लेख गरेको थियो ।

त्यसको केही समयपछि उक्त स्थानमा ‘अन्य’ उल्लेख गरिएको छ । मिलनले धम्की, लुटपाट र गुण्डागर्दी गरेर अपराधिक तवरले ६ करोड भन्दा बढी रकम जम्मा गरेको भन्दै बिगो जरिवाना र कैद सजायको माग गरिएको मुद्दामा विशेषले सफाइ दिएपछि सफइ फैसला बदरको माग पुनरावेदनमा गरिएको छ । मिलनपत्नी इन्दिरा घले गुरूङलाई पनि कैद सजाय र बिगाे जरिवाना माग गरिएकाे छ ।

यसअघि क्रिकेटर सन्दीप लामिछानेले विदेश जान रोक लगाएको उच्च अदालत पाटनको आदेशको बदर माग गर्दै दायर रिटनिवदेनमा सर्वोच्चले सुरुमा दिएको आदेशलाई हेरफेर गर्दै ‘खुकुलो’मा बनाएको थियो ।