साताको पहिलो दिन नेप्से ६.९० अंकले ओरालो

५ चैत, काठमाडौं । साताको पहिलो कारोबार दिन आइतबार शेयरबजारमा ओरालो लागेको छ । आइतबार नेप्से सूचक ६।९० अंकले घटेर १९२६।९० विन्दुमा आएर रोकिएको छ । १ अर्बभन्दा बढीको शेयर कारोबार भएको छ ।

यस्तै, सेन्सेटिभ इन्डेक्सम १।५२ अकले घटेर ३६३।२६ बिन्दुमा आएको छ । आइतबार ३१ लाख ६३ हजार ३८९ कित्ता सेयर किनबेच भएको छ । मानुसी लघुवित्त बित्तीय संस्था, युनिक नेपाल लघुवित्त र शुवम पावरको १० प्रतिशतले मूल्यवृद्धि भएको छ । यी कम्पनीहरुले सर्वाधिक कमाएको छ ।

यता, हिमालय डिस्टिलरीको सर्वाधिक सेयर कारोबार भएको छ । यसको ६ करोड १० लाखभन्दा बढीको कारोबार भएको छ । यता शुभम सिमेन्टको करिब ४ करोडको कारोबार भएको छ । आइतबार १३ उपसूचकहरूमा ५ कम्पनीको मुल्यमा सामान्य वृद्धि भएको छ भने बाँकी सबै कम्पनी राताम्मै भएको छ ।