सरकारलाई दिएको समर्थन फिर्ता लियो राजपाले (विज्ञप्तिसहित)

काठमाडौं । राष्ट्रिय जनता पार्टी ‘राजपा’ले सरकारलाई दिएको समर्थन फिर्ता लिने घोषणा गरेको छ । राजपाको बुधबार बसेको केन्द्रीय समिति बैठकले सरकारलाई दिएको समर्थन फिर्ता लिने निर्णय गरेको हो ।

राजपाका सांसद तथा टिकापुर घटनाका आरोपी रेशम चौधरीलाई कैलाली अदालतले जन्मकैदको फैसला गरेलगत्तै बसेको राजपाको बैठकले सरकारलाई दिएको समर्थन फिर्ता लिने निर्णय गरेको हो । संसदमा राजपा नेपालका १७ जना सांसद छन् ।

दुई तिहाई बहुमत रहेको सरकारले संविधान संशोधन नगरेको तथा मधेश र थरुहट आन्दोलनका बन्दिहरुको रिहाइ नगरेको, उनीहरुमाथि लगाइएका झुठा मुद्दा फिर्ता नलिइएको र घाइतेहरुको उपचार नगराएको भन्दै राजपाले सरकारलाई दिएको समर्थन फिर्ता लिने घोषणा गरेको हो ।

हेर्नुस् राजपाको विज्ञप्ति: