उपनिर्वाचन प्रचार: एजेन्डामा बहस गर्न ओलीकाे आग्रह

२३ चैत, काठमाडौं । नेकपा (एमाले)का अध्यक्ष केपी शर्मा ओलीले वैशाख १० गते हुने उपनिर्वाचनको प्रचारप्रसारमा एजेन्डामा आधारित भई बहस गर्न आफू तयार रहेको बताएका छन् । उपनिर्वाचनलाई स्वस्थ र मर्यादित बनाउन व्यक्तिगत गालीगलौज नगरी एजेन्डामा आधारित बहस गर्न उनले आग्रह गरे । 

‌‘उपनिर्वाचमा भाग लिने उम्मेदवारहरुको अन्तिम नामावली र चुनाव चिन्ह दिने काम आजै हुँदैछ । उनले उपनिर्वाचनमा पनि धेरैजसो उम्मेदवारहरु नयाँ र युवा प.क्ति देखिएको बताउँदै उनले प्रचारका क्रममा व्यक्तिगत गाली गलौज नभई मुद्दामा बहस गर्न सुझाएका छन् । 

बिहीबार आफ्नो फेसबुक पेजमा छोटो सन्देश लेख्दै उनले भनेका छन्, ‘‘उपनिर्वाचनलाई स्वस्थ र मर्यादित बनाउन व्यक्तिगत गालीगलौज नगरी एजेण्डामा आधारित बहस गर्न म आग्रह गर्दछु ।’

उनले गएको मंसिर ४ को आम निर्वाचनमा पनि कांग्रेस सभापति देउवा बहसका लागि तयार भएको तर देउवाले इच्छा नदेखाएका कारण आफ्नो प्रयास सफल हुन नपाएको अध्यक्ष ओलीले लेखेका छन् । राजनीतिलाई सही बाटोमा लैजान एजेण्डा केन्द्रित बनाउन समेत उले उम्मेदवारलाई सुझाएका छन् । 
आउँदो वैशाख १० मा तनहुँ १, चितवन २ र बारा २ मा उपनिर्वाचन हुँदैछ । तीनैवटा क्षेत्रमा एमालेले गठबन्धनबिनै उम्मेदवार उठाएको छ ।