न्युनतम साझा कार्यक्रममा डिजिटल हस्ताक्षर प्रयोग गरिएको भन्दै अध्यक्ष केसीको आपत्ति

२४ चैत, काठमाडौं । राष्ट्रिय जनमोर्चाका अध्यक्ष चित्रबहादुर केसीले सरकारको न्युनतम साझा कार्यक्रममा आफ्नो डिजिटल हस्ताक्षर प्रयोग गरिएकोमा आपत्ति जनाएका छन् ।

बिहीबार साँझ सत्ता साझेदार १० दलका प्रमुख नेताहरुको हस्ताक्षर गरी सरकारको न्युनतम साझा कार्यक्रम सार्वजनिक गरिएको थियो । त्यसमा आफ्नो सहमतिबेगर डिजिटल हस्ताक्षर प्रयोग गरिएको भन्दै अध्यक्ष केसीले शुक्रबार एक प्रेस विज्ञप्ति जारी गरेर आपत्ति जनाएका हुन् । 

दलहरुले जारी गरिएको सरकारको न्यूनतम साझा कार्यक्रममा संघीयता, संक्रमणकालीन न्याय तथा नागरिकताका लगायतका विषयमा पार्टीका कैयौं गम्भीर प्रकारका मतभेदहरु रहेको विज्ञप्तिमा जनाएका छन् । उनले यही मतभेदका कारण विगतको पाँच दलीय सरकारले जारी गरेको न्युनतम साझा कार्यक्रममा हस्ताक्षर नगरेको र त्यो नीति अहिले पनि कायमै रहेको उल्लेख गरेका छन् ।

‘तर त्यो हस्ताक्षर न्यूनतम साझा कार्यक्रमलाई स्वीकृत गर्न उपयोग गर्ने सवालमा भएको होइन’ केसीले विज्ञप्तिमा लेखेका छन् ।  उनले कार्यक्रममा हस्ताक्षर नगरेको स्पष्ट पारेका छन् ।