नक्कली फेसबुक आईडी बनाएर युवतीबाट लाखौं रुपैयाँ ठगी

२६ चैत, काठमाडौं । नक्कली फेसबुक आईडी बनाएर आफ्नै महिला साथीबाट ६० लाख रुपैयाँ ठगी गरेको आरोपमा एक युवक पक्राउ परेका छन् । 
प्रहरीको केन्द्रीय साइबर ब्यूरोको टोलीले पर्वतको मोदी गाउँपालिका–२ घर भएका २६ वर्षीय विश्व शर्मालाई पक्राउ गरेको हो । 

ृउनलाई शनिबार पवर्तबाट पक्राउ गरी काठमाडौं ल्याइएको छ। काठमाडौं जिल्ला अदालतबाट ५ दिनको म्याद लिएर अनुसन्धान अघि बढाइएको साइबर ब्यूरोका एसपी तथा प्रवक्ता पशुपति रायले बताएका छन् । 

अभियुक्त शर्माले नक्कली आईडीबाट आफ्नै साथीलाई फ्रेण्ड रिक्वेस्ट पठाएर माया–प्रेमको जालमा पारी उक्त रकम ठगी गरेको अुसन्धानका क्रममा देखिएको प्रहरीले जनाएको छ । 

माया गरेको गरेर महिलाबाट पटकपटक गरी रकम पठाउन लगाएका थिए । तैपनि थप लाखौं रकम माग्ने क्रम नराेकिएपछि ठगीमा परेकाे आशंका युवती  साइबर ब्यूरो पुगेर उजुरी दिएकी थिइन् ।