कार्यव्यवस्था समितिको पहिलो बैठक बस्दै, के के छन् एजेण्डा ?

२७ चैत, काठमाडौं । प्रतिनिधिसभाको कार्यव्यवस्था परामर्श समितिको बैठक सोमबार अपरान्ह १ बजे बस्ने भएको छ । सभामुख देवराज घिमिरेले बैठक बोलाएका हुन् ।

गएकाेमंसिर ४ मा सम्पन्न चुनावपछि पहिलोपटक कार्यव्यवस्था परामर्श समितिको बैठक बस्न लागेको हो । समिति गठन गत बिहीबार मात्र भएको हो । 
बैठकमा संसदीय समिति गठन, संयुक्त समिति गठनका लागि नियमावली संशोधन र संसदमा विचाराधीन विधेयकहरु अगाडि बढाउने विषयमा छलफल हुने सभामुखको सचिवालयले जनाएको छ ।

प्रतिनिधिसभाको कार्यव्यवस्था परामर्श समितिमा सभामुख, उपसभामुख, संघीय सरकारका कानुन, न्याय तथा संसदीय मामिलामन्त्री र सांसदहरु सदस्य छन् । समितिमा सांसदहरुको प्रतिनिधित्व दलीय आधारमा गरिए पनि नेमकिपालगायत ३ दललाइ भने समेिटएकाे छैन ।