श्रमिकहरुलाई सत्ता प्राप्तीको भ¥याङ मात्र बनाउनु हुन्न– भण्डारी

३ वैशाख, काठमाडौं । राप्रपा नेपाल निकट ट्रेड युनियन महासंघ नेपाल (टुकोन) का अध्यक्ष हिक्मत जंग भण्डारीले आम श्रमिकहरुको हकहितको संरक्षणको निमित्त (टुकोन) को स्थापना गरिएकोले श्रमिकहरुको जस्तोसुकै समस्यामा साथ दिन टुकोन प्रतिबद्ध रहेको बताएका छन् । 

टुकोनको ललितपुर जिल्ला कार्य समिति पुनर्गठन गर्न आयोजित श्रमिकहरुको भेलालाई सम्बोधन गर्दै अध्यक्ष भण्डारीले ठुला पार्टी निकट श्रमिक संगठनहरुले श्रमिकलाई अमुक पार्टीलाई सत्तामा पु¥याउने भ¥याङको रुपमा मात्र प्रयोग गरेकोले वास्तविक श्रमिकहरु मारमा परेको भन्दै संगठित, असंगठित श्रमिकहरुको हितको लागि अग्रसर टुकोनमा समाहित हुन आम श्रमिकहरुलाई आग्रह गरे ।

आज पुनर्गठित ललितपुर जिल्ला कार्य समितिको अध्यक्षमा जीवनकृष्ण पराजुली तथा सदस्यहरुमा विजय वोहरा, दिनेश शाही, सुनिल पराजुली, शोभा घिमिरे, जानुका सापकोटा, विजयराज शर्मा, जितेन्द्र कुमार गुप्ता, सविन श्रेष्ठ र नविन खड्का रहेका छन् भने सल्लाहकारमा रामहरि घिमिरे चयन भएका छन् ।