किन गएनन् प्रधानमन्त्री प्रचण्ड र सभापति देउवा बालकोट ?

३ वैशाख, काठमाडौं । संसदमा विचाराधिन रहेका विधेयकमाथि देखिएका विवादबारे सहमति खोज्न आइतबार डाकिएको शीर्ष नेताहरुको बैठकमा प्रधानमन्त्री पुुष्पकमल दाहाल प्रचण्ड र नेपाली कांग्रेसका सभापति शेरबहादुर देउवा अनुपस्थित भए । नेकपा एकालेका अध्यक्ष केपी शर्मा ओलीको निवास बालकोटमा ओलीलाई सहज हुने गरी बैठक राखिएपछि सभापति देउवा र प्रधानमन्त्री प्रचण्डले बालकोट नजाने निधो गरेका थिए । आजको बैठक पनि सभामुख देवराज घिमिरेके पहलमा राखिएको थियो ।   

शनिबार नेकपा एमालेका अध्यक्ष ओली अस्वस्थ्य भएर स्थगित गरिएर प्रमुख तीन दलका तीन नेताको बैठक आज विहान ९ बजेको लागि राखिएको थियो । तर, दुई दलका दुई शीर्ष नेता नगएपछि बैठक आज पनि स्थगित भयो । यसअघिको पहिलो बैठक सभामुखको कार्यलय सिंहदरवारमा भएको थियो भने दोस्रो बैठक सभामुख घिमिरेले आफ्नै सरकारी निवास बालुवाटारमा राखेका थिए । उक्त बैठकम तीन नेता उपस्थित भएर विधेयकका विवादीत विषयमा सहमति खोज्ने प्रयास गरेका थिए ।  

शनिवार सभामुदले ठाकेको बैठक पनी ओली अस्वस्थ्य भएपछि स्थगित गरिको थियो । ओलीलाई सन्चौ नभएपछि सभामुख घिमिरेले एमालेका अध्यक्ष ओलीकै निवासमा सभापति देउवा र प्रधानमन्त्री प्रचण्डलाई बोलाएका थिए । उनले तीन नेतामा बालकोटबाट देखिएको तिक्तता मेटाउन दुई नेतालाई पनि बालकोटमा नै बोलाएका थिए । तर, बालकोटबाट जान प्रधानमन्त्रीले मन देखाएनन् भने देउवा एक्लै भएपछि नगएका हुन् । यसअघि शुत्रबारको बैठक पनि स्थगित भएकोथियो ।  

बैठकका लागि एमाले सचेतक महेश बर्तौला र पूर्वमहान्यायाधिवक्ता रमेश बडाल भने बालकोट पुगेका थिए । बालकोट पुग्नुपर्ने भएपछि प्रधानमन्त्री प्रचण्डले बैठक नबस्ने जानकारी दिए । बैठकमा देउवा र प्रचण्ड नगएपछि संसदमा विचाराधीन महत्वपूर्ण विधेयक, संयुक्त समिति निर्माणलगायत विषयमा शीर्ष नेताहरूबीच छलफल भएर अगाडि बढ्नुपर्नेमा सत्तापक्ष नै गम्भीर नभएको आरोप एमालेले लगाएको छ ।