फिजिकल क्यासको अर्थतन्त्र कोभिडपछि डिजिटाइज भएको छ : गभर्नर अधिकारी

१३ वैशाख, काठमाडौं । नेपाल राष्ट्र बैंकका गभर्नर महाप्रसाद अधिकारीले कोभिड महामारीपछि नेपाली अर्थतन्त्र डिजिटाइज हुँदै गएको बताएका छन् । बुधबार राजधानीमा आयोजित कार्यक्रममा बोल्दै गभर्नर अधिकारीले कोभिडले नेपालको अर्थतन्त्रमा परिवर्तन गरेको बताए ।

हाल रिटेलमा डिजिटाइजेसन बढ्दै गएको बताए । उनले नेपालको वित्तीय प्रणली सुरक्षित रहेको समेत दाबी गरे । 

अमेरिकालगायत दक्षिण एसियाको अन्य देशहरूमा हप्ता हप्तामा सुरक्षासम्बन्धी समस्या दोहोरिने गरिएको बताउँदै नेपालको अवस्था त्यस्तो अवस्था नरहेको उनको भनाइ थियो । तैपनि नेपालको परम्परागत अनुगमनमा सुधार गर्नुपर्ने औल्याए । 

अर्थतन्त्रमा उतारचढाव आए एनपीए बढ्ने बताउँदै एनपीएलाई कभर गर्न बैंकहरूले आफ्नो नाफाबाट रकम छुट्याउनुपर्ने बताए । कोभिड महामारीकालअघिका फिजिकल क्यासको अर्थतन्त्र कोभिडपछि डिजिटलमा परिवर्तन भएको उनको भनाइ थियो । हाल आरटीजीएसबाट महिनामा ४२ खर्ब रुपैयाँसम्म कारोबार भइरहेको जानकारी उनले दिए । 

‘डिजिटल प्ल्याटफर्म कनेक्ट (आईपीएस)बाट १ महिनामा पचासौं अर्ब रुपैयाँ कारोबार भइरहेको छड गभर्नर अधिकारीले भने, ‘ क्यूआरबाटै २२ अर्ब रुपैयाँ कारोबार भएको छ । यसको असरका कारण बजारमा अघि पठाएको रकम राष्ट्र बैंकमा फर्किएको छ ।’