लुम्बिनी प्रदेशसभा विपक्षीको विरोधपछि स्थगित

१९ वैशाख, दाङ । लुम्बिनी प्रदेश सभाको मंगलबार बिहान ११ बजेदेखि सुरु भएको पहिलो अधिवेशनको दसौँ बैठकमा सूचारु हुन सकेको छैन । विपक्षी दलहरुको विरोधपछि सभामुख तुलाराम घर्तीले आधा घण्टाका लागि स्थगित गरेका छन् । 

आजको बैठकमा प्रदेश सरकारका नवनियुक्त मुख्यमन्त्री डिल्लीबहादुर चौधरीले विश्वास मत लिने कार्यसूची रहेको छ । तर विपक्षी दल नेकपा एमाले र राप्रपाले मुख्यमन्त्री चौधरीलाई प्रदेश प्रमुखले नियुक्त गरेको पत्र सदनमार्फत पेश गर्नुपर्ने माग राख्दै उठेर बैठक अपरोध गरेका छन् ।

चौधरी एमाले नेतृत्वको सरकार ढलेपछि माओवादी केन्द्र, एकीकृत समाजवादीको समर्थनमा मुख्यमन्त्री नियुक्त भएका हुन् । नियुक्त हुनुपहिले एमालेले संवैधानिक व्यवस्थाबमोजिम सभाको सबैभन्दा ठूलो दलको हैसियतमा एमालेकै नेतृत्वमा सरकार गठनका लागि प्रदेश प्रमुख धर्तीसमक्ष दाबी पेस गरिएको थियो । तर घर्तीले २ भन्दा बढी दलको समर्थन पेस गरेका चौधरीलाई मुख्यमन्त्री नियुक्त गरेपछि एमाले रुष्ट बनेको छ ।