चित्रेपोखरीमा अस्थायी प्रहरी चौकी सञ्चालन

२१ वैशाख, काठमाडौं । उपप्रधानमन्त्री तथा गृहमन्त्री नारायणकाजी श्रेष्ठले गोरखाको सिरानचोक गाउँपालिका–५, स्थित चित्रेपोखरीमा अस्थायी प्रहरी चौकी नवनिर्मित भवनको आज उद्घाटन गरेका छन् । 

उनले चित्रेपोखरीमा हालै निर्माण सम्पन्न पाँच कोठे प्रहरीचौकीको बिहीबार उद्घाटन गरेका हुन् । गाउँपालिकाले जग्गा र बजेट उपलब्ध गराएपछि अस्थायी प्रहरी चौकीको भवन निर्माण गरिएको हो । 

भवन निर्माणमा २५ लाख रुपैयाँ खर्च भएको प्रमुख प्रशासकीय अधिकृत उमेशकुमार यादवले जानकारी दिए । भवनमा थुनुवा कक्षसमेत रहेको छ । 
यस्तै, गाउँपालिकाभित्र रहेको चोरकाटे र धारापानी प्रहरीचौकीलाई एक–एक थान मोटरसाइकलसमेत उपलब्ध गराइएको छ ।