रास्वपाको सीसी र संसदीय बैठक एक घण्टा ढिला सुरू

२२ वैशाख, काठमाडौं । सरकारलाई दिएको समर्थन कायम राख्ने कि नराख्ने भन्ने विषयमा निर्णय गर्न राष्ट्रिय स्वतन्त्र पार्टी (रास्वपा)को केन्द्रीय समिति र संसदीय दलको संयुक्त बैठक सुरू भएको छ ।

बैठक साँझ ५ बजे बस्‍ने भनिए पनि एक घण्टा ढिला गरी सुरू भएको हो । बैठकमा समर्थन कायम राख्ने वा नराख्ने विषयमा छलफल हुने महामन्त्री मुकुल ढालले जानकारी दिए । 

बैठकमा तनहुँ १ बाट निर्वाचित सांसद स्वर्णिम वाग्ले पनि सहभागी भएका छन् । प्रधानमन्त्री पुष्पकमल दाहाल ‘प्रचण्ड’ले शुक्रबार मात्र पार्टी सभापति रबि लामिछानेलाई टेलिफोन गरेर सरकारमा आउन आग्रह गरेका छन् । रास्वपामा लामिछानेसहित अधिकांश नेताहरु सरकारमा जानुपर्ने मत राख्ने पंक्तिमा उभिएका छन् ।