बैठकमा बोल्न नदिएपछि नाङ्गिए स्वतन्त्र सांसद सिंह

२५ वैशाख, काठमाडाैं । सोमबार बसेको प्रतिनिधिसभा बैठकमा स्वतन्त्र सांसद डा. अमरेशकुमार सिंहले आफूलाई बोल्न नदिएको भन्दै बैठकमा उनले शरीरमा लगाएको कपडा फुकालेर आक्रोश पोखेका छन् ।

उनले बैठकमा सभामुख देवराज घिमिरेले बोल्न समय नदिएको भन्दै बैठक सुरु हुनासाथ उठेर विरोध गर्दै सिंहले विरोध गरेका थिए । सिंह उठेर लुगा खोल्दै अर्धनग्न भएपछि सभामुखले असभ्य व्यवहार नदेखाउन चेतावनी दिएका थिए ।

सिंहको व्यवहारको अन्य सांसदहरुले आपत्ति जनाएका थिए । केहीबेर बैठक हलमा होहल्ला समेत चलेको थियो ।

सभामुखको चेतावनीपछि सिंहले सर्ट र भेष्ट लगाएका थिए । अहिले संसद बैठक सूचारु भएको छ । सभामुखले दिएका एक मिनेटको शून्य समयमा समसायिक विषय र घटनाक्रमबारे सांसदहरुले सरकारको ध्यानाकर्षण गराइरहेका छन् ।