मौद्रिक नीति समीक्षा : निर्माण र यातायात तथा ढुवानी क्षेत्रमा पुनर्कर्जा दिइने

२९ वैशाख, काठमाडौं । नेपाल राष्ट्र बैंकले खानी, निर्माण र यातायात तथा ढुवानी व्यावसायीलानई पुनर्कर्जाको सुविधा दिने घोषणा गरेको छ । मौद्रिक नीतिको तेस्रो त्रैमासिक समीक्षापछि शुक्रबार केन्द्रीय बैंकले यस्तो घोषणा गरेको हो ।

राष्ट्रिय तथ्याङ्क कार्यालयले प्रकाशन गर्ने तथ्याङ्कको आधारमा पछिल्ला दुई त्रैमाससम्म लगातार ऋणात्मक रहेका आर्थिक क्षेत्रहरुसँग सम्बद्ध ऋणीहरुलाई यस्तो सुविधा दिने भएको हो । यस्तो सुविधा कोषमा उपलव्ध स्रोतको सीमाभित्र रही पुनर्कर्जा उपलव्ध गराउने व्यवस्था मिलाइनेछ । 

केन्द्रीय तथ्याङ्क विभागको विवरणअनुसार खानी, निर्माण व्यवसाय र यातायात तथा ढुवानी तथा स्टोरेज व्यवसायी क्षेत्र लगातार दुईभन्दा बढी त्रैमासमा ऋणात्मक बनेका थिए ।