तामाकोसीमा बेपत्ता युवक ४ दिनपछि मृत फेला

३१ वैशाख, काठमाडौं । रामेछापको सदरमुकाम मन्थलीस्थित तामाकोसी नदीमा पौडी खेल्ने क्रममा बुधबार दिउँसो डुबेर बेपत्ता भएका २१ वर्षीयअनुज पौडेल मृत फेला परेका छन् । 

पौडेल यही वैशाख २७ गते मन्थली नगरपालिका–७ मुगिटारस्थित तामाकोसी नदीमा पौडी खेल्ने क्रममा बेपत्ता भएका थिए । बेपत्ता भएको ४ दिनपछि शनिबार पौडी खेलेको स्थानभन्दा तल निर्माणाधीन पक्की पुल नजिकै फेला परेको हो । सशस्त्र प्रहरी बल कुरिटारबाट आएको गोताखोरको सहयोगमा शव फेला परेको हो । 

शवको पहिचान गरिएपछि परिवारलाई बुझाइएको छ । एमालेनिकट अनेरास्ववियुको खाँडादेवी गाउँ कमिटीका सचिव समेत रहेका पौडेल ओर्भसियर पढदै थिए । पौडेल खाँडादेवी गाउँपालिका–४ कलचौडेका पौडेल साथीहरुसँग पौडी खेल्न गएका थिए ।